Teray Falak Ka Damakta Hoa Sitara Tha
Ye Patharon Pay Hamien Kis Nay La Utara Tha
Hawa Nay Choo Ke Tumhein Hum Say Dushmani Kar Li
Ye Iltifaat Bhi Hum Ko Kahan Gawaara Tha
Mein Murr Gaya To Mujhay Tou Nazar Nahin Aaya
Main Ja Chuka To Mujhay Kis Liay Pukara Tha
Wo Teray Ashk, Tery Yaad Teray Khawab Sabhi
Bus Aik Tou Hi Nahin Or Sab Hamara Tha
Humian Dubo Key Samandar Nay Bhar Lia Daaman
Unhein To Lehar Nay Sahil Pay Ja Utara Tha

Hamein Talaash Karo Tum Jahaan Wahaan Hain Ham
Mitaa Na Paayeingi Sadiyaan Bhee Wo Nishaan Hain Ham
Hamaare Saaye Main Koi Bhee Aake Ruk Jaaye
Wafaa, Khuloos-O-Mohabbat Ke Saayebaan Hain Ham
Koi Bhee Teergi Hamko Mitaa Nahin Sakti
Mohabbaton Ke Chiraaghon Ka Wo Dhuaan Hain Ham
Likhee Hain Apne Lahoo Se Watan Ki Taareekhein
Na Kar Sakaa Koi Ab Tak Jo Wo Bayaan Hain Ham
“Fahad” Hamko Kisee Kee Kahaan Zaroorat Hai
Akele Hoke Bhee Lashkar Hain Kaarvaan Hain Ham.

Roothee Kismat Ko Manaa Leinge Tum Aao To Sahee
Mehfil-E-Dil Ko Sajaa Leinge Tum Aao To Sahee
Baithe Hain Gosha-E-Tanhaaee Mein Deewaane Sabhee
Haath Mein Jaam Uthaa Leinge Tum Aao To Sahee
Ham Kabhee Pyaar Ko Ruswaa Naheen Hone Deinge
Khud Ko Soolee Pe Chadhaa Leinge Tum Aao To Sahee
Ye Hawaa, Dhoop Ye Mausam, Ye Gulaabon Kee Zameen
Tumko Pahloo Mein Bithaa Leinge Tum Aao To Sahee
Hamko Padhnaa Hai Muqaddar Ka Likhaa Apne “Fahad”
Aaeenaa Tumko Banaa Leinge Tum Aao To Sahee.

Hawaa Ka Rukh Badalna Chahata Hai
Koi Taaron Pe Chalna Chahta Hai
Kahi Footpath Pe Soe Hai Bacche
Koi Mehenga Khilona Chahta Hai
Log Chahe Hai Uske Jaisa Banna
Woh Hai Ki Khud Sa Hona Chahta Hai
Kisi Ka Shouk Hai Phoolon Pe Chalna
Koi Mala Pirona Chahta Hai
Jise Maaloom Hai Zulm Ki Haqiqat
Gawahi Se Mukarna Chahta Hai
Kitabon Ko Hatakar Door Rakh Do
Ye Bacchha Ab Bigadna Chahta Hai

Meri Tanhai Kehti Hai K Mujhko Chorr Day Ab Tu
Mujhe Tu Dafn Ker Day Apnay Dil Main Bhool Ja Ab Tu
Tere Weeran Kamray Main, Main Aksar Raks Karti Thi
Tere Har Aik Gham Ko Apnay Andar Jazb Karti Thi
Tujhe Mujhse Mohabbat Thi Main Tujhko Achi Lagti Thi
Teri Har Raat Mere Sath Hi Aksar Guzarti Thi
Tu Jab Bhi Apnay Dil Ka Haal Mujhko Sunata Tha
Main Bass Chup Chaap Sunti Thi….Main Aakhir Kar Kia Sakti Thi…?
Magar Main Tujhse Aajiz Aachuki Hon Chorr De Mujhko
Tu Koi Dhoond Le Sathi Aur Apna Maan Lay Usko.

Farz Mera Tha Aur Main Nibhaata Raha
Zakham Khaata Gaya Muskurata Raha
Beech Dariya Main Us Ne Nazar Pher Li
Main Kinaaron Se Nazrein Milata Raha
Raat Amavas Ke Ghangor Sannate Main
Mere Kamre Main Chaand Aata Jata Raha
Dost Sab Aandhiyon Ke Mureed Ho Gaye
Main Chiraagon Ko Apne Jalata Raha
Mere Bistar Pe Phoolon Ki Chaadar Rahi
Raat Bhar Neend Ko Aazmaata Raha
Aye Fahad Itne Ghum Haadson Ne Diye
Umr Bhar Unko Apna Banata Raha

Bhara Jahan, Tanhai Kaa Dukh Kiya Janay
Milan Wisal, Judayee Kaa Dukh Kiya Janay
Yeah Log Baywajh Hum Say Ulagtay Kyon Hain
Ameeray Shehr, Narasa’ee Ka Dukh Kiya Janay
Hamaree Zat To Ik Karb Ban Gae Hum Pay
Chasmay Khoosposh, Ruswae Ka Dukh Kiya Janay
Humara Ghum Hansee Hay To Hansee Ghum Hay
Bay Khabar, Parasaee Ka Dukh Kiya Jaanay
Woh Jo Hansta Hay To Yeh Haq Hay Uss Ka
Bay Wafa, Bay Wafe Kaa Dukh Kiya Janay

Ishq Bhi Karobar Jaisa Hai
Keh Munafe Ki Fikr Rehtee Hai
Oos Ko Chahta Hoon, Iss Ummeed Ke Saath
Wo Bhi Badlay Mein Piyar De Mujh Ko
Jaise Sodagaree Kare Koee!