Jab Panchi Sare Urh Jaein Hr Simt Andhere Cha Jain
Jab Guzri Baten Yad Aein Or Bite Lamhe Tarpain
Mat Tanha Tanha Ghabhrana Tum Pas Hamare Ajana
Jab Koi Din Me Sham Kare Ye Lub Ki Hansi Badnam Kare
Jab Wehshat Dil K Nam Kare Ya Aankh Me Nend Haram Kare
Mat Tanha Tanha Ghabhrana Tum Pas Hamare Aajana
Dil Dhalti Sham Se Ghabhrae Ya Batein Meri Dohrae
Mazi Se Mun Bhi Ghabhrae Or Kuch Bhi Bhool Nahi Pae
Mat Tanha Tanha Ghabhrana Tum Pas Hamare Ajana
Tum Pas Hamare Ajana!

Tanha Tanha Lagta Hai Adhi Rat Ko Pora Chand
Dil Si Batein Karta Hai Adhi Rat Ko Pora Chand
Us K Pyar Me Khoe Hum
Us Ki Khatir Roye Hum
Dekh K Aksar Hunsta Hai Adhi Rat Ko Pora Chand
Aik Din Thi Tanhai Bohat
Yaad Tumhari Aee Bohat
Bilkul Tum Sa Lagta Tha Adhi Rat Ko Pora Chand

Wo Tera Rothna Mujhse
Mera Tujhko Mana Lena
Dosti Ki Nishani Hai
Pyar Ka Eshara Hai
Gily Shikwe Bhula Lena
Dosti Jis Se Hoti Hai
Usi Pe Maan Hota Hai
Kabhi Mein Rooth Jaon
To
Mujhy Tum Bhi Mana Lena
Ana Se Door Hi Rehna
Ye Sub Kuch Mitadegi
Ana K Khial Se Khudh Ko
He Sorat Bacha Rakhna
Dosti K Samander Me Kabhi
Toofan Bhi Uthte Hain
Is Tufan Me Aey Dost
Mujhy Kashti Bana Lena
Agar Doobein Ge Hum Dono
To Aik Hi Sath Doobeinge
Mera Tum Se Ye Wada Hay
Magar
Tum Bhi Nibaha Lena

Tumhe Kya Malom Muhabbat Kya Hai
Dilon Ki Dharkan Hai Jis Me Dharakte Tum Ho
Sanso Ki Darpan Hai Jis Me Behte Tum Ho
Khuabo Ka Mehal Hai Jis Ki Tabeer Tum Ho
Zindagi Ka Safar Hai Jis K Humsafar Tum Ho
Ek Lehar Hai Jis Ki Moaj Tum Ho
Phoolon Ki Doli Hai Jis Me Baste Tum Ho

Nahi Acha Koi Eshara Saf Kehdo Na
Kaha Tak Sath Do Ge Tum Hamara Saf Kehdo Na,
Bahane Apni Majbori K Q Aa Kar Sunate Ho
Qusoor Is Me Nahi Hai Koi Tumhara Saaf Kehdo Na,
Humare Hath Ki Aksar Lakirain Milti Julti Hain
Magar Milta Nahi Apna Sitara Saaf Kehdo Na

Kabhi Trap Utha Meri Aaah Se Kabhi Ashk Se Na Pighal Saka
Wo Utar Gaya Meri Ankh Se Mere Dil Se Kyu Na Utar Saka
Wo Chala Gaya Jaha Chor K Mein Waha Se Phir Na Palat Saka
Wo Sabhal Gaya Tha Magar, Mein Bikhar K Phir Na Simat Saka

Meri Zindagi Ki Kitab Wo
Mere Har Sawal Ka Jawab Wo
Mein Use Parhongi Umr Bhar
Meri Hayat Ka Nisab Wo
Meri Hr Dua Us K Liye
Meri Ebadaton Ka Sawab Wo
Mein Sara Din Usi Me Magan
Meri Raat Ka Khuab Wo
Likhun Or Kya Mein Us Ki Zaat Pr
Meri Zindagi Ka Rubab Wo

Ek Bar Kar K Aeitibar Likh Do Na
Kitna Hai Mujh Se Pyar Likh Do Na
Taras Rahe Hain Bari Mudaton Se
Es Bar Apni Muhabbaton Ka Izhar Likh Do Na
Dewane Ho Jaye Jise Parh K Hum
Aesa Kuch Mere Yar Likh Do Na
Zayada Nahi Likh Sakte Tum To Mat Likho
Mohabbat Bhare Alfaz Do Char Likh Do Na
Ek Bar Likh Do Muhabbat Hai Mujhe Tum Se
Phir Yehi Jumla Bar Bar Likh Do Na

Pas Aoo Aik Eltija Sunlo
Pyar Hai Tum Se Be Panha Sunlo
Ek Tum Ko Khuda Se Manga Hai
Jab Bhi Mangi Koi Dua Sunlo
Ibteda Ishq Ki Hoi Tumse
Tum Ho Chahat Ki Inteha Sunlo
Tum Sirf Tum Ho Zindagi Meri
Such Hai Such Hai Ba Khuda Sunlo
Raaz Koi Nahi Mera Apna
Tum Rahoge Mere Sada Sunlo

Us K Bina Ab Chup Chup Rehna Acha Lagta Hai
Khamoshi Se Dard Ko Sehna Acha Lagta Hai
Jis Hasti Ki Yad Me Aansoo Baraste Hain
Samne Us K Kuch Na Kehna Acha Lagta Hai
Mil Ker Us Se Bichar Na Jaein Darte Rehte Hain
Es Liye Bus Door Hi Rehna Acha Lagta Hai
Jante Hain K Chahat Me Bus Aansoo Milte Hain
Phir Bhi Us Ko Chahte Rehna Acha Lagta Hai