Zindagi Ki Ghani Dhoop Dhalne Se Pehlay
Umidon Ki Khushboo Bikharne Se Pehlay
Ik Roz Kabhi Ham Tum Se Milain
Usi Roz Chaman Main Phool Khilain
Usi Roz Main Apne Sab Qaidi
Yani Dukh Ke Sab Panchi
Reha Karoon Azad Karoon
Or Dil Ka Nagar Abad Karoon
Usi Roz Ho Yun Ke Ham Dono
Hathon Main Dalay Hathon Ko
Khushiyon Ke Reshmi Sahil Se
Ashaon Ke Gehray Sagar Main
Khawabon Ke Haft Rang Sooraj Ko
Kuch Der Tak Ruka Dekhain
Waqat Ko Thama Dain
Or Jab
Jis Pal
Jis Lamhe
Tum Dheray Se Mujhe Dekh Kar Hans Do
Sar Apna Mere Shane Pe Rakh Do
Tab Saans Meri
Mera Jeevan
Tere Naam Ho Jaye
Or Zindagi Ki
Bas
Wahin Par Shaam Ho Jaye!!!!

Popularity: 1% [?]

Related posts:

1. Zindagi..
2. Mujhe Zindagi Ki Dua Na Do
3. Meri Zindagi..
4. Zindagi..
5. Barbad Zindagi