One Comment »

• 

  Mahwish said:

  hmm bohat khoob, Punjabi adab se li gai ek shairi jis main Ishq-E-Haqeeqi ka unsar bohat numaya hai. Tasawwuf ki baat wohi log jaan sakte hain jinko pehle Dil , Rooh Or In se jurra Khuda Ka Rishta maloom ho. Usk baad hi woh behter tor per in sab ko samjh pata hai or Posheeda razoon ko jaan pata hai.In Short, Insaan k andar do Jahan abad hote hain, Ek Jism or Maada ka Jahan hai jo Ankh ki nazar se sab ko dekhta or Hathon se chho k mehsoos karte hain, Dosra Batini Jahan hai jahan Rooh abad hai or us mein Dil dharakta hai jo dil or rooh k jurey rabt se dekhta, samjhta or mehsioos kerta hai.Or yehi Posheeda dunya insaan ki asal dunya hai jab tak yeh nizam chalta rehta hai insaan Zinda kehlata hai or tamam insani Haqooq usse society main hasil rehte hain jahan yeh nizam band hua wahin insaan murda kehlane lagta hai.
  Dil or Rooh main ek ghera Rabt or Rishta hai or yeh kaise hai? issey sirf Khuda janta hai jis ne yeh jorr peda kiya.Jaise hum yeh nai jante k Lohey or Maknatees main kya rabt hai , maknatees kaghaz ya roii ko kyun nai khenchti.
  Qurani Ayat main rooh k barey main wazhya kya gaya hai k;”Rooh ek amre Rabbi hai, jiski haqeeqat tum nai jaan sakte”
  Jaise insaan ko zahiri bemaarian ghair leti hain jab usk nizam main kharabi peda hoti hai wese hi insaan k dil bhi bemar ho jatey hain or yeh bemarian kai tarah ki hain like;Dil ka sakht hona, Zang alood dil,Gunnah alood dil,Terhay dil,Na sochne wale dil,Mohar lage dil,Emaan se mehroom dil ,Mutakabbir dil or Andhey dil.
  Dilon ka bigarna bohat asaan hai jab k banna mushkil, jis tarah bastian or shehron ka abad ho jana koi asan kaam nai hota.
  woh kissi ne kya khoob kaha ;
  Kis kaam ka woh dil hai k jis dil main tu na ho
  bas naam ka woh gul hai jis gul main boo na ho
  hujroon main lakh bhaitey khulwat magar kahan
  jab tak k jaan o dil main basa tu hi tu na ho.
  Muhabbate Ilahi hasil karne ka tareeqa yeh hai k kissi Allah wale k dil main bhait jao or usk saath raho InshAllah Allah pak se mohabbat ho jaye gi dosrey Zikre Allah kasrat se karte raho.Allah pak ki muhabbat ka masraf yeh hai k Allah ki ata’aat, or makhloqe Khuda se mohabbat.
  Qalb ki islaah se aimaal durust ho jate hain, Islaah zahir o batin dono ki zarurat hai.
  Muhabbat marfat se hoti hai.Peghambrane Islam bhi dunya main logon k dilon ko saaf karne k lye ate rahe.Dil paak ho jata hai tu insaan pak ho jata hai, Dil badal jaye tu insan badal jata hai.
  Shafeeq Balhi(R.A) Quotes;”Jab tak admi ka dil Allah ki yaad main hai woh Namaz main hai agarche bazar main ho.”
  Allah pak se Talluq kaise qaim ho ga, tu Ta’lluq Ma’aa Allah ka zaryaa Ta’lluq Ma’aa Alkhulq hai, pehle makhlooq k ho jao phir Khaliq k. Allah pak ne apne ta’lluq k tamam adaab makhlooq k saath rakhe hain.
  Allah pak k inamaat k istakhsar karne se Marfate Khudawandi hasil hoti hai or nidamate qalb sey Abdiyat peda hoti hai na iski intiha hai na uski intiha. Ebadat issi lye karte hain k apki Maarfat hasil ho jaye kyunk (ebadat k lye) jo banda makhsoos ho jata tu phir usko Allah pak inamaat se nawazte hain or apni maarfat k darwazey us per khol dete hain.

  # 5 August 2010 at 4:17 am