Barish..
Barish …?
Jaisay Ke Har Ek Shaks Janta Hai Pakistan Ke Har Ek Sehar O Qasbay Main Barishon Ka Zor Hai , Tu Kahin Pe Selab O Toofan Ka Shoor Macha Huwa Hai,Wahin Pe Karachi Ki Barish Bhi Ek Chota Sa Hisay Leay Moujood Hai, Jahan Tak Meri Yadasht Hai Pir ( Monday ) Ke Din Ki Barish Thi Woh, Office Ke Khirki Se Khara Dekh Raha Tha Ke Mausam Itna Khushgawar Hai, Garhi Ki Taraf Nigah Gai Tu Khayal Aya 4 Baj Rahay Hian Kyon Ke Main Aj Jaldi Chala Jao Aisa Na Ho Ke Barish Ajaey Aur Bhout Taiz Aur Main Phir Is Banwar Main Phas Jao, Magar Phir Kisi Kaam Ki Masroofiyat Main Aisa Kho Gaya Ke Zehan Se Yeh Baat Koso Durr Chali Gai, Kuch Aur Lamhay Guzarnay Pe Dekha Tu 6’0 Baj Rahay Thay, Aur Phir Soch Leya Ke Bus Ab Tu Chalay Jana Chiaey Magar Jaisay Hi Nazar Gai Khirki Ke Bahir Tu Bhout Taiz Barish Apni Puri Aab O Taab Ke Saath Baras Rahi Thi.
Himmat Bandi Aur Office Se Nikal Para Ke Chalo Aj Is Barish Ke Mausam Ka Maza Letay Huway Sarak Ke Kinaray Se Hotay Howay Jaen Ge Bus Isi Khayal Main Akhara Huwa Bus Stop Par, Tu Dekhta Hun Ke Log Bagh Rahay Hain Tu Koi Kisi Simat Main Daur Raha Hai, Taxi, Bus, Rikshaw Bhout Kaam Moujood Hain Aur Jo Moujood Hain Woh Is Safar Ke Itnay Paisay Mang Rahay Hain Ke Itnay Paison Main Karachi Se Hyderabad Tak Ka Safar Ba Asani Ho Sakta Hai.
Khair Isi Shasho Panj Main Kuch Aur Karta Main Wahan Se Chal Para Paidal Begair Ye Sochay Samjay Ke Itni Taiz Barish Hai Halat Bhi Theek Nahi Lag Rahay Phir Bhi Apnay Hi Gumaan Main, Aur Chaltay Chaltay Main Tariq Road Ki Main Sarak Pe Agaya Jo Ke Mashoor Hai Allah Wali Chowrangi Ke NaaM Se, Wahan Se Phir Safar Ka Agaz Kar Chuka Tha Aur Rastay Main Atay Huway Dekh Raha Tha Lgoon Ko Koi Car Ko Dhaka De Raha Hai, Tu Koi Taxi Walay Ko Mana Raha Hai, Har Shaks Bus Is Fikar Main Hai Ke Kisi Tarhan Main Ghar Pohanch Jao Tu Sakoon Ka Sans Naseeb Ho, Magar Kisi Ko Keya Pata Ke Jaisay Hi Mausam Apna Asar Dekhta Hai Hum Sab Log Bhookay Bheray Ho Jatay Hain Aur MAdad Tu Durr Yeh Soch Letay Hain Ke Bus Aj Ka Hi Din Hai Loot Lo Jitna Chahtay Ho Jitnay Paiso Ka Karo Ge Takaza Mil Jaen Ge, Kyon Ke Halat E Majboori Jo Sahi.
Kahin Pe Lagta Hai Hamara Imaaan Kamzor Parh Chuka Hai, Tu Kahin Pe Yeh Khayal Ata Hai Ke Mehangai Ki Is Rawish Main Insan Aisa Ho Chuka Hai, Kahin Pe Us Ko Apni Zindagi Ka Yeh Khauf Bhi Mar Deta Hai Ke Agar Mainay Isi Ki Madad Ki Aur Is Ne Palat Ke Mujh Pe War Kar Dala Tu Kahan Jao Ga, Baroosa Karnay Ki Salahiyat Din Ba Din Hum Khotay Hi Ja Rahay Hain, Inhi Sab Khayalon Ke Saath Chalta Chala Ja Raha Tha Ek Hi Lamhay Ko Meri Nigah Ne Jo Dekha Tu Dil Bhout Dhuka Mera, Gussa Bhi Aya Us Lamhay Magar Phir Ho Keya Sakta Tha Sirf Gussay Ko Rokay.
Ek Bus Ka Driver Bus Ko Side Main Rokta Hai Aur Apni Seat Saaf Karnway Walay Kapray Se Sheeshay Ko Karta Hai Saaf Aur Phir Se Bus Rawan Ho Jati Hai, Viper Kahan Hai Sheeshay Par? , Kisi Ko Kuch Nahi Maloom, Aisay Tu Hamari Police Signal Tornay Par Foran Se Chalan Karti Hai Keya Viper Na Laganay Par Koi Chalan Nahi Hai ?, Over Load Bus Pe Bhi Chalan Hota Hai, Tu Barish Ke Mausam Main Over Load Bus Ka Chalan ? , Aisay Mausam Main Taiz Raftari Par Chalan ?
Main Tu Bhool Hi Gaya Tha Chalan Kaisay Ho Sakta Hai, Us Ke Liay Tu Police Ka Hona Lazim Jo Tehra Us Sarak Pe , Magar Police? , Police Us Din Apnay Ghar Jaldi Chali Jati Hai Kyon Ke Un Ko Bhi Masail ho Saktay Hain Ghar Janay Main, Baqi Hamari Qoum Ka Keya Hai Choro Is Ko Is Qoum Ki Tu Adat Tehri Over Load Bus Main Safar Karnay Ki, Taiz Raftari Nahi Karay Ga Driver Tu Hamari Qoum Us Ki Pitai Kar Dey Gi……. Yeh Soch Khayal Ke Saath Nahi Maloom Huwa Ke Kis Lamhay Main Ghar Ki Chokat Pe Agaya..Aur Sochta Hi Reh Gaya Yeh Barish..?
Kai Sawal Jo Is Barish Ne Meri Nigah Main Kharay Kar Deay Hain Aur Main Is Main Kisi Ek Shaks Ko, Department Ko Nahi Keh Raha Hun Magar Sirf Sawal Yeh Hai Ke Badlao Kab?
Main Tu Soch Chuka Hun Ab Ap Ki Bari Hai Ap Sochey.
Popularity: 22% [?]
Related posts:
(No Ratings Yet)
Loading ...
Barish, Barsaat, Barkha Rutt Ye Tammam Mosam Apnay Saath Latay Hain Aisay Bouhat Say Jazbaat, Aisi Bouhat Si Khuwahishaat Jis Ka Zikr Ager Yahan Karnay Lagoon To Apnay Asal MOu’zu Say Bouhat Dour Nikal Jaon Ga.
Aap Nay Jis Khubsorat Paraye Mai Humari Hi Khamiyo Or Kotahiyo Ka Zikr Kia Hai Wo Yaqenan Qabil-E-Sataish Hai Laikin Asal Sawal Wohi Raha K Badlao Kub?
Badlao Ki Ghari K Muntazir To Shayad Hum Us Roz-E-Awal Say Hi Hain Jub K Mamlaat Ko Sochnay Or Halaat Ko Samajhnay Ki Silahiyat Nay HUm Mai Janam Liya Laikin Hum Sirf Is Badlao K Muntazir Hi Rahay Is K Liye Kabhi Khud Koshish Ki Or Na Hi Koshish Karnay Walo Ki Qadar Dani Ki.
Aaj Ager Is Topic Ko Parhnay Walay Fardan Fardan In Tammam Bato Pay Nazr-E-Saani Kar Lain To Umeed Hai K Badlao Ki Wo Roshan Kiran HUm Say Bouhat Zayada Dour Na Hogi.
ThinK Positive And Be Optimistic In Your Approach. iTs The Basic Need Of The Hour.!~
Malik @ Not Only Think On This Work On It Is Must.
Itni deep observations , sensitivity, jab aise waqt k her taraf nafsa nafsi ka alam ho, bhug darr ho, sabko sirf apni hi fikar ho yuun society k lye sochna, feel kerna, kurhna its too great k abhi bhi log hain jo dosron k lye sochte hain dard rakhte hain . Khair baat yeh ho rahi hai k badlao kab?? Kab ka word tu exist hi nai kerna chahe dictionary main, jab soch develop ho jati hain tu iraday wajood patey hain phir qadam khud amal ki rahon per yaqeen k saath chalne lagte hain.Hum yeh kyun sochte hain k doosra aisa kyun ker raha hai? Hum yeh kyun nai sochte k hum aisa kyun ker rahe hain?
Jis tarah baarish ka pehla qatra apney baad mausla dhaar barish ki amad ka sabab banta hai, issi tarah kissi bhi acchey kaam k lye yaqeen k saath uthaya jane wala pehla qadam apko kamyabi ki manzilon ki taraf le jata hai. Hazrat Ameer Muawiyya Quotes;”K zamana tum se hai, agar tum darust ho tu zamana bhi darust hai or agar tum bigar gaye tu zamane ka Khuda Hafiz.”
Hum agar aaj se abhi se sirf khud ko sahi ker lain tu kum az kam society ka ek fard tu durust hoga,mana andheri raat hai per ek diya tu jalay ga or jab yehi soch sab main a jaye gi tu yeh individual improvement khud ba khud group main badal jaye gi, hum pehle hi soch lete hain k system kharab hai, tu yeh system banaya kis ne? State Islamic hai magar constitution legislation islamic nai agar Secular state hoti tu phir bhi baat samjh ati. Sab barabar k qasoorwar hain chahe kissi bhi daur ki hakomat ho ya uski mazloom awam.Yeh Mulk hasil bhi issi lye kiya gaya tha k yahan Islam k asolon ko azmaya ja sake Rules,Justice sab k lye baraber hon per aisa kabhi yahan dekhne main hi nai aya or adhi saddi guzar gai awam ki bebassian,majboryan aaj bhi wahin ki wahin per hain jis se sirf Intishaar hi phela hai society main.Kehne ko ek qaum hain hum,Qaumen aisi hoti hain jo sirf sochen takhleeq karen, qaul tehreer karti jayen? Yeh tu wohi baat ho gai;”k jo qaumen apni islaah k baray main nai sochtin qudrat bhi unhen durust nai kerti.”
Mahwish: Aapki Baat Parh K Iqbal Ka Wo Shair Hi Yaad Aya..
Khuda Nay Aaj Tuk Us QOum Ki Halat Nahi Badli..
Na hO JIs Ko Khayal Aap Aapni Halat K Badalnay Ka..!~
Mera Aap Dono Say Hi Aik Sawal Hai K Baat Hum Kar Rahay Hain Badlao Ki. Hum Keh Rahay Hain K Aapnay Gairaban Mai Jhankain Or Aapnay Aapko Durust Kar Lain, Hum Baat Kar Rahay Hain K Kuch Amli Iqdam Humai Khud Karnay Chahye Laikin Jub Mai In Sub Bato Ko Soochta Hon Tou Meri Naqis Aqal Mera Saath Chor Jati Hai Aur In Bato Say Aik Dosra Sawal Zehan Mai Ubharta Hai K Is Ki Soorat Kia HOgi, Is Ki Shuruat Kahan Say Ki Jaye..? Humaray Pas Na KOi PLatform Hai oR Na Hi Hum New GeneratiOn K Kisi Bhi Amli Iqdam Ko Saraha Jata Hai oR Na HI Agay Barhnay Diya Jata Hai..? Ye Tammam Batain Aaj K Is Dour Mai Kio Kar Mumkin Haain?
Dua Yahi Hai K:
Paida DiL-E-Weeran Mai Phir Soorish-E-Mehshaar Kar..
Is Mehmal-E-Khaki Ko Phir Shaid-E-Laila Kar..
Is Dour Ki Zulmat Mai Har Qalb-E-Pareshan Ko..
Wo Daagh-E-Mohabbat Dai Jo Chaand Ko Sharma Dai..
Riffat Mai Maqasid Ko Humdosh-E-Surraya Kar..
Khud’Dariye Sahil Dai, Azadiye Dariya Dai..!~