Main Phool Hon Meri Khushboo Tum Ho,
Main Dil Hon Meri Dhadkan Tum Ho,
Main Jaan Hon Meri Rooh Tum Ho,
Main Jism Hon Meri Zindagi Tum Ho,
Main Sagar Hon Meri Halchal Tum Ho,
Main Sapna Hon Meri Ta’abeer Tum Ho,
Main Aks Hon Meri Haqeeqat Tum Ho,
Main Saya Hon Meri Soorat Tum Ho,
Main Saa’il Hon Meri Aas Tum Ho,
Main Lab Hon Meri Baat Tum Ho,
Main Tab Hon Mukammal Jab Mere Sath “Tum Ho”!
 
 
By: Mahwish

Angrayi Woh Lene Na Paye The Uthaa Ke Haath Dekha Mujhe To Chhor Diye Muskura Ke Haath….
Be Saakhta Jo Nigahein Aapas Mein Mil Gayeen Kiya Moun Pe Us Ne Rakh Liye Ankhein Chura Ke Haath…
Ye Bhi Naya Sitam Hai Hina To Lagayein Gair Aur Us Ki Daad Chahein Woh Mujh Ko Dikha Ke Haath…
Be Ikhtiyaar Ho Ke Jo Mein Paoon Mein Gira Thori Ke Neeche Us Ne Dhara Muskura Ke Haath…
Qasid, Tere Bayan Se Dil Aisa Tehar Gaya Goya Kisi Ne Aa Ke Rakh Diya Seene Pe Aake Haath…
Kooche Se …

Abhi Wo Dard Baqi Hai
Agarchay Waqt Marham Hai
Magar Kuch Waqt Lagta Hai
Kisi Ko Bhool Janay Main
Dobara Dil Basanay Main
Abhi Kuch Waqt Lagna Hai
Abhi Wo Waqt Baqi Hai
Main Kaisay Nai Ulfat Main
Apni Zaat Ko Ghum Kar Doon
Kay Mairay Jism-O-Wujdaan Main
Abhi Wo Fard Baqi Hai
Abhi Us Shakhs Ki Mujh Par
Nigah-E-Sard Baqi Hai
Abhi To Ishq Kay Rastoon Ki
Mujh Par Gard Baqi Hai
Abhi To Dard Baqi Hai!!
(Ahmed Faraz)