Janay Walun Se Pyar Mat Karna
Ab Mera Intezar Mat Karna
Mudatoon Baad Muskuraya Hun
Ab Mujhe Soogawar Mat Karna
Jo Bazahir Dehayi De Khamosh
Aisay Darya Ko Paar Mat Karna
Meri Janib Nikalnay Wala Koi
Rasta Ab Ihtiyar Mat Karna
Beyaqeeni Mein Mubtala Hun Main
Ab Mera Aitbaar Mat Karna

Farz Mera Tha Aur Main Nibhaata Raha
Zakham Khaata Gaya Muskurata Raha
Beech Dariya Main Us Ne Nazar Pher Li
Main Kinaaron Se Nazrein Milata Raha
Raat Amavas Ke Ghangor Sannate Main
Mere Kamre Main Chaand Aata Jata Raha
Dost Sab Aandhiyon Ke Mureed Ho Gaye
Main Chiraagon Ko Apne Jalata Raha
Mere Bistar Pe Phoolon Ki Chaadar Rahi
Raat Bhar Neend Ko Aazmaata Raha
Aye Fahad Itne Ghum Haadson Ne Diye
Umr Bhar Unko Apna Banata Raha