Barishon ke mosam main,
Tum ko yaad karney ki,
Aadatien purani hain!….
Ab ki bar socha hai,
Aadatien badal dalain,
Phir khayal aaya ke ,
Aadatien badalne se,
Barishen nahin ruktien

Mujhe Maloom Hai
Tum Meray Baray Main Bhout Sanjeeda Rehti Ho
Agar Mujh Ko Zara Sa Bhi Ghum Pohanchay Tu
Zamanay Bhar Say Zeyada Dukh
Tumharay Dil Ko Hota Hai
Muhje Koi Khushi Mil Jaey Tu
Misal-E-Baharan Jhoom Uthti Ho
Magar Jaan-E-Tamana , Rahat-E-Jaan
Meri Tum Say Eik Guzarish Hai
(Tawaqo Hai Tum Is Ka Bura Har Giz Na Mano Gi )
Khudara Apnay Jazboon
Aur Apni Sari Sochon Ko
Meray Har Ghum Say
Meri Fikar Say Azad Kar Dalo
Kahin Na Ho Kay !
Meri Is Gehri Mohabbat Main
Kahin Khud Ko Na Tum Kho Doh
Aur Apnay App Ko Janaan
Meray Ghum Main Dabo Do Tum
Kahin …

Dil Ajab Gumbad Ki Jis Men Ik Kabuutar Bhii Nahiin
Itanaa Viraan To Murdaaron Kaa Muqaddar Bhii Nahiin
Duubatii Jaatii Hain Mittii Men Badan Kii Kashtiyaan
Dekhane Men Ye Zamiin Koii Samandar Bhii Nahiin
Jitane Hangaame The Suukhii Tahaniyon Se Jhad Gaye
Ped Par Phal Bhii Nahiin Aangan Men Patthar Bhii Nahiin
Khushk Tahanii Par Parindaa Hai Ki Pattaa Hai ‘Adeem’
Aashiyaanaa Bhii Nahiin Jis Kaa Koii Par Bhii Nahiin
Jitanii Pyaarii Hain Merii Dharatii Jo Zanjiiren ‘Adeem’
Itanaa Pyaaraa To Kisii Dulhan Ko Zevar Bhii Nahiin